Vie de saint Grégoire d'après le manuscrit 867 de la bibliothèque municipale de Lyon
Prologue
Au sujet du nom de Grégoire
Récit de la jeunesse de saint Grégoire
Ci conmenche lauie mon signeur saint grigoire ki fu apostoles de roume . ________________ Sains grigoires fu nes degentiex gens de la lingnie assenas ki a cel tans estoient a roume et fu estruis soufisamment et enseignies de lascience des letres et estoit plains degrant religion et amoit et seruoit ententieum̃t nostre signeur . Et com il fu io uenciaus il pensa en quel maniere il pouroit miex seruir nostre signeur ih'ucrist . Quequeil estoit entel pensee il lifu auis queil leseruiroit plus deliurement enabit du siecle quen autreabit. Endementiers que il estoit encel estat si grans habundances depensees et deterriennes coses lepourprisent et enpeescierent soncuer. Adont quelicors delui nestoit pas tant seulement escoses dusiecle mais sescuers. lors quant sesperes fu mors et samere il prist cou queil lour estoit demoure et edefiia .VII. abeies et fonda et ordena moynes ki ih'ucrist seruirent dont les .VI. furent en sesille et la setisme fu a rome . Quant il ot ce fait il entra enceli ki dedens roume estoit et en lieu derobes desoie que il soloit uestir quant il estoit au siecle il se uesti de uies robes et de poures. quant il fu enlareligion et deuint poures pour ih'u crist et traueilloit sidurement soncors kil cai enune sigrant maladie que il quidoit bien morir castun iour. Adonques auint ke quant li apostoles ot oie la boine renonmee et la boine uie dont il estoit plains et il sot la penitance kil soufroit. Il lefist uenir deuant lui et lordonaa diacre.Sur les vertus de Grégoire
Sur la sainteté de Grégoire
La vie au monastère
Le don du plan maternel au naufragé
Crue du Tibre et élection du pape Grégoire
Apres auint quelitoiures kipres dela estoit et couroit il issi deson canel et ala par desus les murs delacite et abati les maisõs et ocist grant partie deceus kila estoient et delacontree entour. Q’ que cele aigue destraingnoit lare ligion entel maniere grant partie deserpens uinrent la uns gnͣs dragons descendi √flueue. pour ceque laigue estoit salee il mouirent soudainement et quant il furent mort lamers lesgeta a riue. lors maintenant apres cou une sigrans flairours uint de ces serpens que cil kiescape estoient quelaigue nauoit pas noies moroient conmunaument de lapuour que il sentoient et si grans estoit ceste pestilence que nis cis apostoles ki adont fu morut. entel maniere lesmaisons remanoient toutes uuides. q nͣt cil delacite kidemoure estoient uirent cou. Il uinrent a saint grigoire et leslurent a apostole. Jasoit cou que il lerefusast tant com il pot. lors quant il fu esleus morisses li empereres conferma leslection. Et conme lapestilence necessast pas. il fist lepule assambler deuant lui et lors preecha de ih'ucrist et conmanda que il feissent letanies et pourcessions et priassent nostre signeur que il lour feist cesser ceste pestilence et retraisist ceste pestilance ensus de nous.II. ________________ Endementiers que il plouroient tout ensamble et prioient nostre signeur .IIII. XX. deceus cairent mort delourdolour lors quant li sermons fu fenis la pestilence cessa. et conme sains grigoires eut proupose queil sen fuiroit coiement et se departiroit delacite . Sifirent garder lesgens les issues que il nesenpeust aler.mais il sefist metre en un tonnel et issi entel maniere de la cite et serepunst partrois iours quant cil delacite lesorent il furent mout tourble et prierent nostre signeur par sa grasse que il lour rendist lour pastour queque il plouroient deuotement et prioient nostre signeur et ceuint alatierce nuit queliapoᷤ toles estoit de departis delacite il uirent soudainnement uenir deuers le ciel un grant rai declarte et aombra lamaison √ saint grigoires estoit repuns. Et fu tant sour la maison quecil qui on lot cõmã de aquerre letrouuerent. lors maĩ tenant il le prisent et lenmenerent a roume et fu fais apostoles uausist √non.Humilité de Grégoire
Témoignage de la grande charité du pape
Entre ces coses ses cuers estoit siplains demisericorde que il ne repaissoit pas tant seulement ceus ki pres delui demouroient. Mais ceus meismement ki √ mont desŷnai seruoient nostre signeur pourueoit il etamonnestoit cou quemestiers lor estoit en uiande et enuesteure ensi trueue on delui escrit queildonna atrois miles uirges ki a rome estoient et amonnesta quanques mestiers lour estoit. fors celes ki dehors estoient dont il iauoit grās compaignies ________________Conversion des juifs
Le treizième convive
Les relations entre Maurice et le pape
Le miracle de paques
Messe de saint Grégoire
Apres ces coses une rice femme auoit acoustume par cascun diemence aporter asainte eglise oblation depiteus pains et lour offroit alamain. Li apostoles uit quele ot fait sofrande en .I. iour dediemence entre les autres ensi com de soloit. et quant lamesse fu cantee et li seruices fu fais. li pules uint alautel pour acumenier et pour receuoir lecors nostre signeur ih'ucrist . et la feme ki de petis pains auoit fait lofrande uint entre lesautres et lidist li cors nostre signeur ih'ucrist . soit aupourfit detoncors et alaremision detespecies et ele leregarde et sourrist. Quant sains grigoires leuit il retraist asoi sesmains et mist le cors ih'ucrist que il ot sour lautel. et quant lipules fu acumenies il apela lafeme et lidemanda pourcoi eleauoit ris quant ele se dut acumenier et ele respondi et distiou apercuc et connuc quela pocumenions dont tumeuoloiesacumenier ielauoie faite demes mains et lauoie aporte alautel et offert entre mesmains et maĩ tenant que tu deis que cestoit li cors nostre signeur et jensourris. Lors quant sains grigoires oi cou il prist la feme asermonner et bien renseignier quel force cil sacrement a et quel uertu. Et quant il ot preecie il lour pria et conmanda que il priassêt nostre signeur deboinairement il parsadeboinairete seuausist de moustrer quiex il est escuers de ceus etceles kileseruent et croient fermement decuer entiremñt lors maintenant kil ot faite sorison sains grigoires saprocha de lautel et leua lecorporal kideseure lecors nostre signeur estoit et trou ua lecors nostre signeur dautretel fourme et dautretel samblance com il estoit quant il fu nes de la uirge marie et trouua lune des parties dupetit doit deladestre main alenfant moullie et taint desanc adont fu sains grigoires mout lies et moustra aupule ki la estoit ces miracles apertement apres cou distalafemecroi cou que nostre sires conmanda quant il distmacars est uraie uiande atous pouruser et mes sans est urais buurages atous pour abuurer. mais pour cou que nostres sires sot bien et apercut quenus cuers dome mortel ki dieu creust neloseroit user seil estoit entel fourme com il estoit quant il fu nes de la uirge marie nenus ki fust noseroit boire son sanc seil estoit entel samblance com il estoit qnͣt il issi desoncoste . Il uaut quesescors fust mues ensamblance depain et eust lasauour queli pains doit auoir et ses sans eust lesamblance et lesauour queliuins doit auoir siquecil ki lereceuoient ne fuissent pas espoente delui receuoir. lors maintenant queilot cedit. Il mist nostre signeur que il tenoit sour lautel et pria lepule et conmanda que il priassent nostre signeur queil soncors remesist en lefourme √il auoit este deu ãt si que lafeme ki la estoit le preist dingnement et lepeust user.qnͣt il orent lour orisons finees nostres sires ki enfourme dome estoit fu mues isnelement enlasamblã ce √il auoit este deuant et lere cut lafeme dingnement kilemiracle ot ueu apertement.Prière de saint Grégoire pour sauver Trajan
Sains grigoires estoit desi grant compaction plains queil tant seulement descorsas besoigneus que il respassoient na uoit pitie . mais des ames kitrespassees estoient auoit il sigrant compaction et pitie. Un iour auint que il trespassoit deuant lepalais ki auoit este lemperaour train ki mors estoit seliramenbra dune deboinairete kil auoit faite auneueue feme ki proie lauoit en dementiers que il uiuoit. Car il a uint quant cis empereres uiuoit kil ot pourpose aAler enbataille et sefist armer et monta sour sonceual. Quequeil estoit apareillies cele ueue feme uint deuant lui et licai aspies et lipria queil leuengast dunsien anemi. Et il respondiquant ieserai reuenus ieferai cou que tu merequerras et la poure feme lidist et silauient quetu neuiengnes pas liempereres cil ki apres moi uenra te uengera et cele li dist cest aton tans auenu et clamee mensuia toi et tues tenus alamender ne ia droiture queuns autres mefera dece que tu medois faire nete deliuerra ________________ Lors liempereres fist cou laueue feme liauoit proie etleuenga esranment deson anemi et puis ala la√il auoit porpose deceste oeure demisericorde et dautres que liempereres auoit faites ensauie ia soit cou kil neust pas receu bauptesme. Sains grigoires seramembra et ot au cuer grant ioie et entra enl eglise saĩt piere et uint deuant lautel et pria pour lui au cors nostre signeur si longement qͥͥͥͥl oi uneuois ki li dist endementiers que il dormoit queliempereres pour cui il il prioit estoit quites et deliures des painnes d infer √il auoit este et bien segardast des ore enauant il nepriast pour nului kimors seroit enmescreandise et sansbauptesme. Entel maniere liempereres fudeliures destourmens d infer . mais pour cou netrueue on pas queil fust hors du tout entout. ainsipeust estre retenus car il meismes sains grigoires dist que lifus kilespieres tourmente les puet tous retenir.mais il nepuet tous iganment tourmenter.Conversion des Anglais
a pres ces coses il fist uenir saint augustin ki lors estoit deuant lui et lipria queil alast en englete re et anonchast lenon ih'ucrist et feist conuertir alafoi tous ce que il pouroit et il meismesen prieroit nostre signeur pour lor conuersation. A donc senala en engletere et furent tout chil du pais asapredication et parla proiere saint grigoire conuertirent et crurent ennostre signeur .Un ermite envie le sort du pape Grégoire
apres auint que uns ermites oi parler de saint grigoire et pensoit quelisains hom se glorefiast mout et kil se delitoit en la dingnite √il estoit. Que que il estoit entel pensee liangles nostre signeur uint kilidist tu aspr' grant goie deton cat et plus ti delites que grigoires ne fait a estre apostoles de roume .________________Le don des reliques
Vengeance d'un homme excommunié pour avoir délaissé sa femme
Unautre iour auint que sains grigoires eut unrice home escumenie pourcouqueil auoit safeme laissie neneuoloit estre ensacompagnie.liriches hom prisa mout poi lasentence lapostole etacrut sonmalisce an cois queil lamenuisast et uint a .II. mescreans ki encanteour estoient et lour donna du sien tãt et proumist que illieurent en couuent queil li feroient honte angousce. Uniour auint que saĩs grigoires trespassoit enune rue √li doi mescreant estoient.maintenant que il leuirent il firent tant par lour encantement que li diables que il seruoient entrerent √ceual queli sains ceuaucoit et le tourmenterent tout uoiant lui. Quant li sains hom uit cou il enapela ih'ucrist et fist le singne delacrois sour son ceual.maintenant queil lotfaite lidiable sendepartirent. entel maniere li ceuaus fu garis et conme sains grigoires regarda dune t et uit lesmescreans li diable ki erent departi entrerent enaus et il cairent atere demaintenant et furent auule. lors quant lisains uit cou il entendi bien et apercut que cou auoient il fait par lour malisce. adoncques sains grigoires uint deuant aus et lour demanda pourcoi celour estoit auenu et cil li conterent decief encief et li sains lour dist uous au es deser ui queuous soiies auule tous les iours deuos uies car seuous ueies ausi conme uous solies uous feries lemal queuous auies a coutusme afaire. mais ieproi nostre signeur que il uous uoelle deliurer desmains as anemis ki uous ont saisi et tourmente. lors maintenant que il ot ce dit il furent deliure delour anemis apres cou il sefirent bauptisier et crurent en nostre signeur . mais il furent a uule toutes lour uies tant kil ueskirentLe tyran
Grégoire le prédicateur
Récit de la rédaction des Homélies sur Ezechiel
et conme lafins saint grigoire aprocha mout il mist sentente en exposer sainte escriture et escairier il prist la deerraine partie du liure ezeciel leprophete atraitier pour ce que chil kiapres lui uenroient penssentplus legierement lesescritures kien sainte escriture estoient connoistre et encerkier.________________ En dementiers queil sestudioit il estoit ensainte eglise deuant unautel et auoit unecourtine pendue entrelui et sonclerc ki escrisoit ce queli sainsdisoit. Endementiers queil espondoit leliure du prophete il ledisoit asonclerc. et li clerc lescriuoit quant il auoit ce dit et uns blans coulons ki sour lecief li estoit li metoit sonbec en labouce et li amonnestoit cou queli sains disoit. Et quant il deuoit parler il traioit sonbec asoi. iusques atant queilauoit dit ceque il auoit pourpose. et quant il auoit dit et il setaisoit licoulons liremetoit tout derekief sonbec enlabouce et li amonnestoit si com il soloit. entre ces coses li escriuens ki defors lacourtine estoit fist unpertruis enla courtine de segrafe. endementiers que lisains setaisoit. et uit apertement lemiracle que nostres sires faisoit. maintenant queli sains hom lesot par lesaint esperit kidit liot. Il conmanda a che notaire queil pour rien ne deist lemiracle tant com il ui uroit. apres cou que sains grigoires fu mors auint que pluisours clerc delacite estoient ensamble et liclerc aueuc aus ausi kises notaires auoit este et escrit a uoit cou que saint grigoire a uoit expose desainte escriture. endementiers que il estoient ensamble pluisours clers parloient entraus et disoient. conment sains grigoires auoit si soutieument trancie sainte escriture et mesdisoient delui et detraioient enlour paroles. quant li notaires oi cou il lesreprist delour folies et lour conta lemiracle entel maniere com il lauoit ueu. lors maintenant cil furent apaisie et cesserent delor dectraction.Les ouvrages de Grégoire
Excommunication d'un moine
Le chant grégorien
L'évêque Boniface se rend à Rome pour récupérer les Morales de saint Grégoire
Lonc ans apres lamort saint grigoire auint sains bonifaces kiestoit uess dune boine cite . ot grant uolente dauoir les mouralites que sains grigoires auoit traitier et uint a roume et lesquist et lesdemanda mais il nepot trouuer killi enseignast. Quant il uit cou il fu mout tourbles et uint aceus qͥͥ l eglise saint piere gardoient.et lour pria que il lelaissassent ueillier parnuit enl eglise saĩt piere . Que que il ueilloit enleglise et ceuint alamienuit atant esuous une grant pourcessions dapostoles et sains grigoires estoit entre lesautres et maintenant li uesques leuit il uinta lui isnelement et li pria queil li enseignast les liures que il roit et sains grigoires li moustra lemur √il les auoit fait encloure pourlenuie que li caitif clerc ẽ auoient a icel tans que il les traitoit. Lors liuesques uint aumur et leperca et entraist les liures et les emporta ensonpais et les fist escrire et les enuoia par les eglises et les departi auplusdroit kil pot.________________La lumière de Grégoire
Le pape Savinien est puni par Grégoire pour son manque de charité
Qon grans ciertes et grans famine fu a roume entour le pais apres cou que sains grigoires futrespasses et lipoure honteus et li poure religieus qui sains grigoire soloit paistre et pourueour uinrent a sauinien kilour apostoles estoit et liprierent et dirent biaus sire nelaissies pas lesgens morir defain que nostres peres soloit paistre et pourueoir. Quant liapostoles les oi parler entel maniere il liuenoit agrant desdaing et lour disoit §e grigoires pour lui glorefier soustenoit ceus et paissoit nous ne lespoons pas tout paistre ne donner acascun cou quemestiers lour seroit. entel maniere il respondoit. neautre cose nenporterent de lui. apres com sains grigoires liapparut et une fois et autre et tierce et lereprist acascune fois mout deboinairement decou que il estoit siauers et sitenans en contre les besoigneus et aueuc tout cou il mesdisoit t°p uolentiers et estoit tous plains de detraction. mais onques chil nefu pour cou misericors nene detint salangue nedusien il nedeparti point aspoures. Sains grigoires li aparut laquartefois mout paourous et mout oribles et le reprist mout crueument et lemaneca mout durement. Et alaparfin il leferi √cief et sen departi. lors maintenant queil senfu tournes une sigrans dolours le prist √cief que pour langousce queil auoit morut en brief tans.Réflexion du narrateur
Conclusion de la Vita et mention aux reliques de saint Grégoire du trésor de Sens
et apres cou sains grigoires eut este apostoles de roume .XIII. ans. il morut en lan de grasce.DCCC. et .IIII.XX. laraceuesques de sens uint a roume et prist soncief et lenportat lemist agrant reuerence et agrant honour siest en l eglise saint piere leuif liquele est a sens la cite.Révolte contre Grégoire
Le moine et les fausses chartres
Instauration de l'office grégorienne
Jean Diacre rédige la vie de Grégoire
Les morales de Grégoire
Résumé de la vie
Prologue
Au sujet du nom de Grégoire
Récit de la jeunesse de saint Grégoire
Ci conmenche la vie mon signeur saint Grigoire ki fu apostoles de Roume . Sains Grigoires fu nés de gentiex gens de la lingnie as senas ki a cel tans estoient a Roume et fu estruis soufisamment et enseigniés de la science des letres et estoit plains de grant religion et amoit et servoit ententieument nostre Signeur . Et com il fu jovenciaus, il pensa en quel maniere il pouroit miex servir nostre Signeur Jhesu Christ . Que que il estoit en tel pensee, il li fu avis que il le serviroit plus delivrement en abit du siecle qu'en autre abit. Endementiers que il estoit en cel estat, si grans habundances de pensees et de terriennes coses le pourprisent et enpeescierent son cuer adont que li cors de lui n'estoit pas tant seulement es coses du siecle mais ses cuers. Lors quant ses peres fu mors et sa mere, il prist çou que il lour estoit demouré et edefiia .VII. abeïes et fonda et ordena moynes ki Jhesu Christ servirent, dont les .VI. furent en Sesille et la setisme fu a Rome , quant il ot ce fait, il entra en celi ki dedens Roume estoit et, en lieu de robes de soie que il soloit vestir quant il estoit au siecle, il se vesti de viés robes et de povres. Quant il fu en la religion, et devint povres pour Jhesu Christ et traveilloit si durement son cors k'il caï en une si grant maladie que il quidoit bien morir castun jour. Adonques avint ke, quant li apostoles ot oïe la boine renonmee et la boine vie dont il estoit plains et il sot la penitance k'il soufroit, il le fist venir devant lui et l'ordona a diacre.Sur les vertus de Grégoire
Sur la sainteté de Grégoire
La vie au monastère
Le don du plan maternel au naufragé
Crue du Tibre et élection du pape Grégoire
Aprés avint que li Toivres, ki pres de la estoit et couroit, il issi de son canel et ala par desus les murs de la cité et abati les maisons et ocist grant partie de ceus ki la estoient et de la contree entour. Que que cele aigue destraingnoit la re(li)gion, en tel maniere grant partie de serpens vinrent la et uns grans dragons descendi au flueve. Pour ce que l'aigue estoit salee, il mouirent soudainement et quant il furent mort, la mers les geta a rive. Lors maintenant, aprés çou une si grans flairours vint de ces serpens que cil ki escapé estoient – que l'aigue n'avoit pas noiés – moroient conmunaument de la puour que il sentoient; et si grans estoit ceste pestilence que nis cis apostoles, ki adont fu, morut, en tel maniere les maisons remanoient toutes vuides. Q ant cil de la cité , ki demouré estoient, virent çou, il vinrent a saint Grigoire et l'eslurent a apostole, ja soit çou que il le refusast tant com il pot. Lors quant il fu esleüs, Morisses li empereres conferma l'eslection. Et conme la pestilence ne cessast pas, il fist le pule assambler devant lui et lors preecha de Jhesu Christ et conmanda que il feïssent letanies et pourcessions et priassent nostre Signeur que il lour feïst cesser ceste pestilence et retraisist ceste pestilance ensus de nous.II. Endementiers que il plouroient tout ensamble et prioient nostre Signeur , .IIII. XX. de ceus caïrent mort de lour dolour. Lors quant li sermons fu fenis, la pestilence cessa. Et conme sains Grigoires eut prouposé que il s'en fuiroit coiement et se departiroit de la cité , si firent garder les gens les issues que il ne s'en peüst aler. Mais il se fist metre en un tonnel et issi en tel maniere de la cité et se repunst par trois jours . Quant cil de la cité le sorent, il furent mout tourblé et prierent nostre Signeur par sa grasse que il lour rendist lour pastour. Que que il plouroient devotement et prioient nostre Signeur ,et ce vint a la tierce nuit que li apostoles estoit de departis de la cité , Il virent soudainnement venir de vers le ciel un grant rai de clarté et aombra la maison ou saint Grigoires estoit repuns. Et fu tant sour la maison que cil qui on l'ot conmandé aquerre, le trouverent. Lors maintenant il le prisent et l'enmenerent a Roume et fu fais apostoles vausist ou non.Humilité de Grégoire
Témoignage de la grande charité du pape
Entre ces coses, ses cuers estoit si plains de misericorde que il ne repaissoit pas tant seulement ceus ki pres de lui demouroient, mais ceus meïsmement ki au mont de sŷnaï servoient nostre Signeur. Pourveoit il et amonnestoit çou que mestiers lor estoit en viande et en vesteüre. Ensi trueve on de lui escrit que il donna a trois miles virges ki a Rome estoient et amonnesta quanques mestiers lour estoit,fors celes ki dehors estoient dont il i avoit grans compaignies.Conversion des juifs
Le treizième convive
Les relations entre Maurice et le pape
Le miracle de paques
Messe de saint Grégoire
Aprés ces coses, une rice femme avoit acoustume par cascun diemence aporter a sainte eglise oblation de piteus pains et lour offroit a la main. Li apostoles vit qu'ele ot fait s'ofrande en .I. jour de diemence entre les autres, ensi com de soloit. Et quant la messe fu cantee et li services fu fais, li pules vint a l'autel pour acumenier et pour recevoir le cors nostre signeur Jhesu Christ . Et la feme , ki de petis pains avoit fait l'ofrande, vint entre les autres et li dist : " Li cors nostre signeur Jhesu Christ soit au pourfit de ton cors et a la remision de tes peciés." et ele le regarde et sourrist. Quant sains Grigoires le vit, il retraïst a soi ses mains et mist le cors Jhesu Christ que il ot sour l'autel. Et quant li pules fu acumeniés, il apela la feme et li demanda pour coi ele avoit ris quant ele se dut acumenier, et ele respondi et dist : " Jou apercuc et connuc que la pocumenions dont tu me voloies acumenier, je l'avoie faite de mes mains et l'avoie aporté a l'autel et offert entre mes mains; et maintenant que tu deïs que c'estoit li cors nostre Signeur , et j'en sourris." Lors quant sains Grigoires oï çou, il prist la feme a sermonner et bien renseignier quel force cil sacrement a et quel vertu. Et quant il ot preecié , il lour pria et conmanda que il priassent nostre Signeur deboinairement que il, par sa deboinaireté , se vausist de moustrer quiex il est es cuers de ceus et celes ki le servent et croient fermement de cuer entirement. Lors maintenant k'il ot faite s'orison, sains Grigoires s'aprocha de l'autel et leva le corporal ki deseure le cors nostre Signeur estoit et trouva le cors nostre Signeur d'autre tel fourme et d'autre tel samblance, com il estoit quant il fu nés de la virge Marie , et trouva l'une des parties du petit doit de la destre main a l'enfant moullié et taint de sanc. Adont fu sains Grigoires mout liés et moustra au pule, ki la estoit, ces miracles apertement. Aprés çou dist a la feme : " Croi cou que nostre Sires conmanda quant il dist : " Ma cars est vraie viande a tous pour user et mes sans est vrais buvrages a tous pour abuvrer.", mais pour cou que nostres Sires sot bien et apercut que nus cuers d'ome mortel, ki Dieu creüst, ne l'oseroit user, se il estoit en tel fourme, com il estoit quant il fu nés de la virge Marie , ne nus ki fust n'oseroit boire son sanc, se il estoit en tel samblance com il estoit qant il issi de son costé , il vaut que ses cors fust mués en samblance de pain et eüst la savour que li pains doit avoir , et ses sans eüst le samblance et le savour que li vins doit avoir, si que cil ki le recevoient ne fuissent pas espoenté de lui recevoir." Lors maintenant que il ot ce dit, il mist nostre Signeur , que il tenoit, sour l'autel et pria le pule et conmanda que il priassent nostre Signeur que il son cors remesist en le fourme, ou il avoit esté dev ant, si que la feme, ki la estoit, le preïst dingnement et le peüst user. qant il orent lour orisons finees, nostres Sires , ki en fourme d'ome estoit, fu mués isnelement en la samblance ou il avoit esté devant et le reçut la feme dingnement ki le miracle ot veü apertement.Prière de saint Grégoire pour sauver Trajan
Sains Grigoires estoit de si grant compaction plains que il tant seulement des cors as besoigneus que il respassoient n'avoit pitié , mais des ames ki trespassees estoient avoit il si grant compaction et pitié. Un jour avint que il trespassoit devant le palais ki avoit esté l'emperaour Traj[a]n ki mors estoit, se li ramenbra d'une deboinaireté k'il avoit faite a une veve feme ki proié l'avoit en dementiers que il vivoit. Car il avint, quant cis empereres vivoit, k'il ot pourposé a aler en bataille et se fist armer et monta sour son ceval. Que que il estoit apareilliés, cele veve feme vint devant lui et li caï as piés et li pria que il le vengast d'un sien anemi. Et il respondi : " Quant je serai revenus, je ferai cou que tu me requerras." Et la povre feme li dist :" Et s'il avient que tu ne viengnes pas." Li empereres :" Cil, ki aprés moi venra, te vengera." Et cele li dist :" C' 'est a ton tans avenu et clamee m'en sui a toi; et tu es tenus a l'amender, ne i a droiture que uns autres me fera, de ce que tu me dois faire ne te deliverra." Lors li empereres fist cou que la veve feme li avoit proié et le venga esranment de son anemi. Et puis ala la ou il avoit porposé de ceste oeure de misericorde et d'autres que li empereres avoit faites en sa vie, ja soit cou k'il n'eüst pas receü bauptesme. Sains Grigoires se ramembra et ot au cuer grant joie et entra en l' eglise saint Piere et vint devant l'autel et pria pour lui au cors nostre Signeur si longement q'iͥͥl oi une vois ki li dist, endementiers que, il dormoit que li empereres pour cui il (il) prioit estoit quites et delivrés des painnes d' infer ou il avoit esté et bien se gardast des ore en auant que il ne priast pour nului ki mors seroit en mescreandise et sans bauptesme. En tel maniere li empereres fu delivrés des tourmens d infer . Mais pour cou ne trueve on pas que il fust hors du tout entout. Ainsi peüst estre retenus, car il meïsmes sains Grigoires dist que li fus ki les pieres tourmente les puet tous retenir, mais il ne puet tous iganment tourmenter.Conversion des Anglais
Aprés ces coses, il fist venir saint Augustin , ki lors estoit devant lui , et li pria que il alast en Englete re et anonchast le non Jhesu Christ et feïst convertir a la foi tous ce que il pouroit et il meïsmes en prieroit nostre Signeur pour lor convers(at)ion. Adonc s'en ala en Engletere et furent tout chil du païs a sa predication et par la proiere saint Grigoire convertirent et crurent en nostre Signeur .Un ermite envie le sort du pape Grégoire
Aprés avint que uns ermites oi parler de saint Grigoire et pensoit que li sains hom se glorefiast mout et k'il se delitoit en la dingnité ou il estoit. Que que il estoit entel pensee, li angles nostre Signeur vint ki li dist :" Tu as pris grant goie de ton cat et plus t'i delites que Grigoires ne fait a estre apostoles de Roume."Le don des reliques
Vengeance d'un homme excommunié pour avoir délaissé sa femme
Un autre jour avint que sains Grigoires eut un rice home escumenié , pour çou que il avoit sa feme laissie, ne ne voloit estre en sa compagnie. Li riches hom prisa mout poi la sentence l'apostole et acrut son malisce ançois que il l'amenuisast, et vint a .II. mescreans ki encanteour estoient et lour donna du sien tant et proumist que il li eurent en couvent que il li feroient honte angousce. Un jour avint que sains Grigoires trespassoit en une rue ou li doi mescreant estoient. Maintenant que il le virent, il firent tant par lour encantement que li diables, que il servoient, entrerent au ceval que li sains cevaucoit et le tourmenterent tout voiant lui. Quant li sains hom vit çou, il en apela Jhesu Christ et fist le singne de la crois sour son ceval. Maintenant que il l'ot faite, li diable s'en departirent, en tel maniere li cevaus fu garis. Et conme sains Grigoires regarda d'une part et vit les mescreans que li diable, ki erent departi, entrerent en aus et il caïrent a tere de maintenant et furent avule. Lors quant li sains vit çou, il entendi bien et aperçut que çou avoient il fait par lour malisce. Adoncques sains Grigoires vint devant aus et lour demanda pour coi ce lour estoit avenu, et cil li conterent de cief en cief et li sains lour dist :" Vous av és deservi. Que vous soiiés avule tous les jours de vos vies, car se vous veiés ausi conme vous soliés, vous feriés le mal que vous aviés a coutusme a faire. Mais je proi nostre Signeur que il vous voelle delivrer des mains as anemis ki vous ont saisi et tourmenté." Lors maintenant que il ot ce dit, il furent delivré de lour anemis. Aprés çou, il se firent bauptisier et crurent en nostre Signeur . Mais il furent avule toutes lour vies, tant k'il veskirent.Le tyran
Grégoire le prédicateur
Récit de la rédaction des Homélies sur Ezechiel
Et conme la fins saint Grigoire aprocha mout, il mist sentente en exposer sainte escriture et esc[l]airier. Il prist la deerraine partie du livre ezeciel le prophete a traitier pour ce que chil ki aprés lui venroient, penssent plus legierement les escritures ki en sainte escriture estoient connoistre et encerkier. En dementiers que il s'estudioit, il estoit en sainte eglise devant un autel et avoit une courtine pendue entre lui et son clerc ki escrisoit ce que li sains disoit. Endementiers que il espondoit le livre du prophete, il le disoit a son clerc, et li clerc l'escrivoit quant il avoit ce dit. Et uns blans coulons, ki sour le cief li estoit, li metoit son bec en la bouce et li amonnestoit çou que li sains disoit. Et quant il devoit parler, il traïoit son bec a soi, jusques a tant que il avoit dit ce que il avoit pourposé. Et quant il avoit dit et il se taisoit, li coulons li remetoit tout derekief son bec en la bouce et li amonnestoit si com il soloit. Entre ces coses, li escrivens, ki defors la courtine estoit, fist un pertruis en la courtine de se grafe, endementiers que li sains se taisoit, et vit apertement le miracle que nostres Sires faisoit. Maintenant que li sains hom le sot par le saint esperit ki dit li ot, il conmanda a che notaire que il, pour rien, ne deïst le miracle tant com il vivroit. Aprés çou que sains Grigoires fu mors, avint que pluisours clerc de la cité estoient ensamble et li clerc aveuc aus ausi ki ses notaires avoit esté et escrit avoit çou que saint Grigoire avoit exposé de sainte escriture. Endementiers que il estoient ensamble, pluisours clers parloient entr'aus, et disoient conment sains Grigoires avoit si soutieument trancié sainte escriture. Et mesdisoient de lui et detraïoient en lour paroles. Quant li notaires oi çou, il les reprist de lour folies et lour conta le miracle en tel maniere com il l'avoit veü. Lors maintenant cil furent apaisié et cesserent de lor dectraction.Les ouvrages de Grégoire
Excommunication d'un moine
Le chant grégorien
L'évêque Boniface se rend à Rome pour récupérer les Morales de saint Grégoire
Lonc ans aprés la mort saint Grigoire , avint que sains Bonifaces , ki estoit vesques d'une boine cité , ot grant volenté d'avoir les Mouralités que sains Grigoires avoit traitier et vint a Roume et les quist et les demanda mais il ne pot trouver kil li enseignast. Quant il vit çou, il fu mout tourblés et vint a ceus qui l' eglise saint Piere gardoient. et lour pria que il le laissassent veillier par nuit en l' eglise saint Piere . Que que il veilloit en l'eglise, et ce vint a la mie nuit atant es vous une grant pourcessions d'apostoles et sains Grigoires estoit entre les autres. Et maintenant que li vesques le vit, il vint a lui isnelement et li pria que il li enseignast les livres que il queroit. Et sains Grigoires li moustra le mur ou il les avoit fait encloure pour l'envie que li caitif clerc en avoient a icel tans que il les traitoit. Lors li vesques vint au mur et le perça et en traist les livres et les emporta en son païs et les fist escrire et les envoia par les eglises et les departi au plus droit k'il pot.La lumière de Grégoire
Le pape Savinien est puni par Grégoire pour son manque de charité
Qon grans ciertés et grans famine fu a Roume entour le païs, aprés çou que sains Grigoires fu trespassés, et li povre honteus et li povre religieus, qui sains Grigoire soloit paistre et pourveour, vinrent a Savinien ki lour apostoles estoit, et li prierent et dirent : " Biaus sire, ne laissiés pas les gens morir de fain que nostres peres soloit paistre et pourveoir." Quant li apostoles les oi parler en tel maniere, il li venoit a grant desdaing et lour disoit : " Sire Grigoires pour lui glorefier soustenoit ceus et paissoit. Nous ne les poons pas tout paistre, ne donner a cascun çou que mestiers lour seroit." En tel maniere il respondoit, ne autre cose n'enporterent de lui. Aprés com sains Grigoires li apparut et une fois et autre et tierce, et le reprist a cascune fois mout deboinairement de çou que il estoit si avers et si tenans en contre les besoigneus, et aveuc tout çou il mesdisoit trop volentiers et estoit tous plains de detraction. Mais onques chil ne fu pour çou misericors, ne ne detint sa langue, ne du sien il ne departi point as povres. Sains grigoires li aparut la quarte fois , mout paourous et mout oribles, et le reprist mout crueument et le maneça mout durement. Et a la parfin, il le feri au cief et s'en departi. Lors maintenant que il s'en fu tournés, une si grans dolours le prist au cief que pour l'angousce que il avoit morut en brief tans.Réflexion du narrateur
Conclusion de la Vita et mention aux reliques de saint Grégoire du trésor de Sens
Et aprés çou, sains Grigoires eut esté apostoles de Roume .XIII. ans. Il morut en l'an de grasce .DCCC. et .IIII.XX. L 'araceuesques de Sens vint a Roume et prist son cief et l'enportat et le mist a grant reverence et a grant honour, si est en l' eglise saint Piere le vif li quele est a Sens la cité.Révolte contre Grégoire
Le moine et les fausses chartres
Instauration de l'office grégorienne
Jean Diacre rédige la vie de Grégoire
Les morales de Grégoire
Résumé de la vie
Notice Editoriale
Vie de saint Grégoire d'après le manuscrit 867 de la bibliothèque municipale de Lyon
EditionEtablissement du texte en ancien français à partir du manuscrit ly. 867 et encodage : Ariane Pinche (Université Lyon 3)
Traitement et transformation des données pour l'édition électronique (corpus et thesaurus) : Nathalie Arlin (ENS de Lyon)
Responsable de la collection électronique - Encodage et indexation : Maud Ingarao (ENS de Lyon UMR 5037)
Structure du projet Le texte en ancien français de la Vie de saint Grégoire ici proposé est le résultat d'un travail de recherche de Master 2 effectué au sein de l'université Lyon 3.
Projet éditorial Cette édition numérique, encodée selon les principes de la TEI, permet de passer d'une transcription semi-diplomatique à une transcription normalisée avec ajout de la ponctuation et régularisation de la graphie afin de faciliter pour un lecteur moderne l'accès au texte en mettant en vis-à-vis différents stades de transcription, du manuscrit à l'édition finale. Les folios traités (ff° 31a-34d/73a-73b) sont extraits du manuscrit ly. 867 de la bibliothèque municipale de Lyon.
Description des sources Les folios traités (ff° 31a-34d/73a-73b) sont extraits du manuscrit ly. 867 de la Bibliothèque municipale de Lyon. Crédits photographiques pour les facsimilés : Bibliothèque municipale de Lyon.
Editeur Ecole Normale Supérieure de LyonLyon2012-06-10
